1. Ерөнхий заалт
SL-Darkhan Карго (цаашид “Карго” гэх) нь БНХАУ-ын худалдааны онлайн платформуудаас бараа бүтээгдэхүүн худалдан авах, болон хүргэлтийн үйлчилгээний чиглэлээр үйл ажиллагаа явуулдаг. Энэхүү нөхцөл нь Карго болон үйлчлүүлэгч хоёрын хооронд үүсэх эрх, үүрэг, харилцааг зохицуулахад зориулагдсан болно. Үйлчлүүлэгч нь энэхүү нөхцөлтэй урьдчилан танилцаж, зөвшөөрсөн тохиолдолд үйлчилгээ авах эрхтэй болно. Үйлчилгээний нөхцөлд өөрчлөлт орсон бол албан ёсны мэдээллийн сувгаар нийтэлснээр шинэчилсэн нөхцөл автомат мөрдөгдөнө.
2. Үйлчлүүлэгчийн эрх ба үүрэг
- Каргогийн үйлчилгээ нь 18 насанд хүрсэн, эрх зүйн бүрэн чадамжтай иргэнд нээлттэй.
- Үйлчлүүлэгч үнэн зөв мэдээлэл хүргэх үүрэгтэй бөгөөд Үйлчлүүлэгчийн хувийн мэдээллийг нууцлан хамгаалах болно.
- Үйлчлүүлэгч өөрийн өгсөн мэдээллийн үнэн зөвийг өөрөө хариуцна, санаатай болон санамсаргүй худал мэдээллээс үүдсэн аливаа хохирлыг Үйлчлүүлэгч бүрэн хариуцна.
- Нэг Үйлчлүүлэгч зөвхөн нэг утасны дугаар болон нэг баталгаажсан хаягаар бүртгүүлж үйлчлүүлэх боломжтой. Нэг дугаараар олон бүртгэл үүсгэхийг хориглоно.
3. Зуучлалын үйлчилгээ
Карго нь үйлчлүүлэгчийг БНХАУ-ын худалдааны платформуудаас хүссэн барааг худалдан авах, нийлүүлэгчтэй холбогдох, тээвэрлүүлэх үйл явцад зуучилна.
- Зуучлалын үйлчилгээг нь зөвхөн Каргогийн албан ёсны Facebook хуудас, вэбсайт, болон баталгаажсан утасны дугаараар гүйцэтгэнэ
- Бусад хаяг, сувгаар үүссэн асуудалд Карго хариуцлага хүлээхгүй.
- Захиалга баталгаажих нөхцөл:
- Үйлчлүүлэгч барааны үнийг болон үйлчилгээний нөхцөлийг зөвшөөрсөн байх
- Төлбөр бүрэн хийгдсэн байх
Бараа нийлүүлэгчээс Эрээн дэх агуулахад хүргэгдсэнээс хойш 7–14 хоногийн дотор Дархан хотод хүргэгдэнэ.
Анхааруулга: Бүх нийтийн амралт, баярын өдөр, байгалийн болон давагдашгүй хүчин зүйлсийн улмаас тээвэрлэлт хойшлох боломжтой.
4. Хориотой бараа
Карго нь дараах барааг тээвэрлэхийг хориглоно:
- Хүнсний бүтээгдэхүүн, амьтан, ургамлын гаралтай бүтээгдэхүүн
- Цацраг идэвхит эсвэл хүчтэй исэлдүүлэгч
- Монгол Улсын гаалийн хориглосон бараа
Дур мэдэн тээвэрлүүлсэн хохирлыг Карго хариуцахгүй.
5. Гомдол ба маргаан
Маргаантай асуудлыг Монгол Улсын Иргэний хууль болон холбогдох хууль тогтоомжийн дагуу шийдвэрлэнэ.
6. Нууцлал
Карго нь Үйлчлүүлэгчийн хувийн мэдээллийг гуравдагч этгээдэд задруулахгүй. Үйлчлүүлэгч энэхүү бодлоготой танилцаж зөвшөөрснөөр үйлчилгээ авах эрхтэй.
7. Хувийн мэдээлэл
Карго нь Үйлчлүүлэгчийн нэр, утасны дугаар болон бусад хувийн мэдээллийг түр хадгалж, дотоод үйл ажиллагаанд ашиглана. Үйлчлүүлэгчийн буруугаас мэдээлэл алдагдсан тохиолдолд Карго хариуцлага хүлээхгүй. Хуулийн хүрээнд шаардлагатай тохиолдолд мэдээллийг хуваалцаж болно. Бусад тохиолдолд гуравдагч этгээдэд дамжуулахгүй.
